Athugaðu stillingar Gmail

Ef þú notar Gmail geturðu fylgt þessum leiðbeiningum til að tryggja öryggi reikningsins þíns.

Gakktu úr skugga um að tölvupósturinn þinn sé ekki framsendur eða honum deilt án þíns samþykkis

Skoðaðu flipann „Póststillingar“ í Gmail og kannaðu stillingar framsendingar og úthlutunar sem veita öðrum aðgang að reikningnum þínum og tryggðu að tölvupósturinn þinn sé að fara á réttan stað.

Ef þú gleymir aðgangsorðinu þínu þarftu að hafa aðra leið til að komast aftur inn á reikninginn

Google getur sent þér tölvupóst á endurheimtarnetfang ef þú þarft að endurstilla aðgangsorðið þitt. Gakktu því úr skugga um að endurheimtarnetfangið sé rétt og að þú hafir aðgang að því. Þú getur einnig bætt símanúmeri við Gmail prófílinn þinn til að fá kóða fyrir endurstillingu með SMS-skilaboðum.

Að bæta farsíma við reikninginn er einhver einfaldasta og áreiðanlegasta leiðin til að auka öryggi reikningsins. Google getur til að mynda notað símanúmerið til að hindra fólk í að brjótast inn á reikninginn þinn og til að senda þér staðfestingarkóða svo þú komist aftur inn á reikninginn ef þú hefur ekki lengur aðgang að honum. Ef þú lætur Google í té endurheimtarsímanúmer leiðir það ekki til þess að það verði skráð á markaðssetningarlista eða símtölum frá símasölufólki fjölgi.

Farsíminn er öruggari auðkenningaraðferð en endurheimtarnetfangið eða öryggisspurning vegna þess að þú hefur símann undir höndum í raunheimum, ólíkt hinum tveimur.

Aðgættu hvort nokkrar óeðlilegar aðgerðir fara fram á reikningnum

Kannaðu reglulega hvort óþekktar eða grunsamlegar aðgerðir hafa átt sér stað á reikningnum þínum. Smelltu á tengilinn „Upplýsingar“ neðst á síðunni til að sjá frá hvaða IP-tölum farið var inn á reikninginn þinn nýlega og staðsetningarnar sem tengjast þeim. Ef þú sérð grunsamlega virkni á reikningnum skaltu umsvifalaust breyta aðgangsorðinu þínu og skrá þig út af reikningnum. Frekari upplýsingar um grunsamlega reikningsvirkni.

Þegar þú skráir þig inn á Gmail ættir þú að ganga úr skugga um að vefslóðin hefjist á https:// (en ekki bara á http://). Þetta gefur til kynna að tengingin við vefsvæðið sé dulkóðuð og betur varin gegn snuðri eða fikti. Kíktu á gátlistann fyrir öryggi í Gmail til að fá fleiri ábendingar varðandi Gmail.

Tilkynna um áreitni frá Gmail notanda

Ef þú lendir í því að Gmail notandi brýtur reglur Gmail skaltu skoða þessi ráðlögðu næstu skref.

Öryggisverkfæri

Kynntu þér fimm helstu öryggiseiginleika Google sem eru hannaðir til að stuðla að fjölskylduvernd á netinu.

Google reikningar

Gerðu Google reikninginn þinn enn öruggari

Þú eykur öryggi Google reikningsins þíns með því að bæta við tvíþættri staðfestingu. Ef þú ert með kveikt á tvíþættri staðfestingu sendir Google aðgangskóða í farsímann þinn þegar einhver reynir að skrá sig inn á reikninginn þinn úr áður óþekktri tölvu. Þetta þýðir að þótt einhver steli eða giski á aðgangsorðið þitt getur sá hinn sami ekki skráð sig inn á reikninginn þinn nema hafa símann þinn. Þannig geturðu varið þig með einhverju sem þú veist (aðgangsorðið) og einhverju sem þú ert með (síminn).

Frekari upplýsingar

Opnaðu stillingarnar með því að smella á nafnið þitt eða myndina í hægra horninu og smella svo á Reikningur.

Smelltu á Öryggi efst. Í aðgangsorðsglugganum skaltu smella á Uppsetning við hliðina á Tvíþætt staðfesting.

Þá færðu leiðbeiningar sem fylgja þér í gegnum uppsetningarferlið.

Síðan opnast stillingar tvíþættrar staðfestingar á ný. Yfirfarðu stillingarnar og bættu við varasímanúmerum.

Þá er það komið! Næst þegar þú skráir þig inn færðu send SMS-skilaboð með staðfestingarkóða.

Chrome

Vafrað á vefnum án þess að skilja eftir spor

Þú getur notað huliðsstillingu í Chrome vafranum í tölvunni, spjaldtölvunni eða símanum til að vafra án þess að skilja eftir þig nein spor. Ef huliðsstilling er virk skráir Chrome ekki þær síður sem þú skoðar og skrár sem þú sækir í vafra- eða niðurhalsferil.

Frekari upplýsingar

Smelltu á Chrome valmyndina á tækjastiku vafrans → Smelltu á „Nýr huliðsgluggi“.

Nýr gluggi birtist, með tákni huliðsstillingar í horninu. Til að hætta þarftu bara að loka glugganum.

Google reikningar

Google reikningurinn eins og þú vilt hafa hann

Á stillingasíðu reikningsins þíns sérðu þá þjónustu og upplýsingar sem tengjast Google reikningnum þínum og getur breytt öryggis- og persónuverndarstillingum.

Frekari upplýsingar

Opnaðu stillingarnar með því að smella á nafnið þitt eð a

Google reikningar

Fáðu tilkynningu ef nafnið þitt birtist á vefnum

„Ég á vefnum“ getur hjálpað þér að skilja og stjórna því sem fólk sér þegar það leitar að þér á Google. Eiginleikinn aðstoðar þig við að setja upp Google tilkynningar til að fylgjast með ef upplýsingar um þig birtast á netinu og stingur sjálfkrafa upp á ýmsum leitarskilyrðum sem þú kannt að vilja hafa auga með.

Frekari upplýsingar

Skráðu þig inn á Google reikninginn þinn og farðu á hlutann „Ég á vefnum“.

Smelltu á Stjórna veftilkynningum og smelltu svo á rauða hnappinn til að búa til tilkynningu.

Nafnið þitt birtist í textareitnum. Smelltu í textareitinn til að sjá fleiri uppástungur um veftilkynningar.

Smelltu á „Bæta við“ til að bæta við tilkynningu. Smelltu á blýantstáknið til að gera breytingar og ruslafötutáknið til að eyða.

Í fellivalmyndinni „Hversu oft“ skaltu velja tíðni tilkynninga.

Google reikningar

Hafðu umsjón með gögnunum á Google reikningnum þínum

Stjórnborð Google sýnir þér það sem er vistað á Google reikningnum þínum og veitir þér yfirlit yfir nýlega virkni á reikningnum. Á einum miðlægum stað geturðu auðveldlega skoðað gögnin þín og virkni og valið stillingar fyrir þjónustu á borð við Blogger, dagatal, skjöl, Gmail, Google+ og fleira.

Frekari upplýsingar

Farðu á stjórnborðið til að sjá yfirlit yfir gögnin sem tengjast Google reikningnum þínum og hafa umsjón með stillingunum þínum.

Hér geturðu séð og haft umsjón með gögnum sem vistuð eru á Google reikningnum þínum.

Sjá fleiri öryggisverkfæri