Lykilhugtök

Hlutdeildarfélög

Hlutdeildarfélag er eining sem heyrir til fyrirtækjahóps Google.

Skyndiminni forritsgagna

Skyndiminni forritsgagna er gagnageymsla í tæki. Það getur til að mynda gert vefforriti kleift að vinna án nettengingar og bætt afköst forrits með því að gera hleðslu efnis hraðari.

Vefgeymsla vafra

Vefgeymsla vafra gerir vefsvæðum kleift að geyma gögn í vafra á tæki. Þegar hún er notuð sem „staðbundin geymsla“ er hægt að vista gögn milli lota (t.d. til þess að hægt sé að sækja gögnin jafnvel þótt vafranum sé lokað og svo opnaður aftur). Dæmi um tækni sem býður upp á vefgeymslu er HTML5.

Fótspor er lítil skrá sem inniheldur stafarunu og send er í tölvuna þína þegar þú opnar vefsvæði. Þegar þú opnar vefsvæðið aftur gerir fótsporið viðkomandi vefsvæði kleift að bera kennsl á vafrann þinn. Fótspor geta geymt upplýsingar um kjörstillingar notandans og aðrar upplýsingar. Hægt er að stilla vafrann á að hafna öllum fótsporum eða tilkynna um sendingu fótspors. Hins vegar er möguleiki á að einhverjir eiginleikar eða þjónusta vefsvæða virki ekki eðlilega nema fótspor séu notuð. Önnur tækni er notuð í sams konar tilgangi og fótspor þar sem fótspor eru ekki í boði eða eiga ekki við, til dæmis auglýsingakennið sem notað er í Android fartækjum. Frekari upplýsingar um hvernig Google notar fótspor og hvernig Google notar gögn, þar á meðal fótspor, þegar þú notar vefsvæði eða forrit samstarfsaðila okkar.

Tæki

Tæki er tölva sem nota má til að fá aðgang að þjónustu Google. Tæki getur t.d. verið tölva, spjaldtölva eða snjallsími.

Google reikningur

Þú getur notað tiltekna þjónustu frá okkur með því að stofna Google reikning og veita okkur tilteknar persónuupplýsingar (yfirleitt nafn, netfang og aðgangsorð). Þessar reikningsupplýsingar verða notaðar til að sannvotta þig þegar þú opnar þjónustu frá Google og til að verja reikninginn þinn gegn óviðeigandi aðgangi annarra. Hægt er að breyta eða loka reikningnum hvenær sem er í gegnum stillingar Google reikningsins.

HTTP-tilvísun

HTTP-tilvísun eru upplýsingar sem vafri sendir til áfangasíðu, venjulega þegar þú smellir á tengil á þá síðu. HTTP-tilvísunin inniheldur vefslóð síðunnar sem síðast var opin í vafranum.

IP-tala

Öll tæki sem tengjast internetinu fá úthlutað tölu sem kölluð er IP-tala. Þessum tölum er yfirleitt úthlutað í klösum á tiltekin landfræðileg svæði. Oft er hægt að nota IP-tölu til að greina staðsetningu tækis sem tengist internetinu.

Ópersónugreinanlegar upplýsingar

Hér er um að ræða upplýsingar um notendur sem skráðar eru á þann hátt að þær tengjast ekki lengur né vísa í auðkennanlegan notanda.

Persónuupplýsingar

Þetta eru upplýsingar sem þú veitir okkur og auðkenna þig persónulega, til dæmis nafn, netfang, greiðsluupplýsingar eða önnur gögn sem Google getur með góðu móti tengt við slíkar upplýsingar, til að mynda þær upplýsingar sem við tengjum Google reikningnum þínum.

Pixlamerki

Pixlamerki er tiltekin tækni sem komið er fyrir á vefsvæðum eða í tölvupósti í þeim tilgangi að rekja aðgerðir á vefsvæðum eða hvort tölvupóstur er opnaður eða notaður, og eru þau oft notuð ásamt fótsporum.

Viðkvæmir flokkar

Auglýsingaflokkur getur talist viðkvæmur ef hann tengist hlutum á borð við kynþátt, trúarbrögð, kynhneigð eða heilsufar. Þegar þér eru sýndar sérsniðnar auglýsingar getur verið að við tengjum auðkenni úr fótsporum eða svipaða tækni við áhugasvið á borð við „matargerð og uppskriftir“ eða „flugferðir“ en ekki við viðkvæma flokka. Við krefjum auglýsendur okkar um slíkt hið sama.

Viðkvæmar persónuupplýsingar

Hér er um að ræða tiltekinn flokk persónuupplýsinga sem tengjast trúnaðarupplýsingum um heilsufar, kynþátt eða þjóðerni, pólitískar skoðanir eða trúarskoðanir eða kynhneigð.

Notkunarskrár netþjóna

Netþjónar okkar skrá sjálfkrafa beiðnir um síður þegar notendur kíkja á vefsvæðin okkar, eins og gert er á flestum vefsvæðum. Þessar „notkunarskrár netþjóna“ innihalda yfirleitt upplýsingar um vefbeiðni þína, IP-tölu, gerð vafra, tungumál vafra, dagsetningu og tíma beiðninnar og eitt eða fleiri fótspor sem kunna að auðkenna vafrann þinn.

Hér er dæmi um hefðbundna notkunarskrá fyrir leit að „cars“ (bílum), með sundurliðun:

123.45.67.89 - 25/Mar/2003 10:15:32 -
http://www.google.com/search?q=cars -
Firefox 1.0.7; Windows NT 5.1 -
740674ce2123e969

Einstakt auðkenni tækis

Einstakt auðkenni tækis (stundum kallað alþjóðlega einkvæmt auðkenni eða UUID) er stafastrengur sem framleiðandi tækis kemur fyrir í tækinu og hægt er að nota til að bera kennsl á það tæki (t.d. IMEI-númer farsíma). Auðkenni tækja eru mismunandi eftir því hversu varanleg þau eru, hvort notendur geta endurstillt þau og hvernig fá má aðgang að þeim. Tiltekið tæki getur haft nokkur mismunandi einstök auðkenni. Hægt er að nota einstök auðkenni tækja í ýmsum tilgangi, þ. á m. til öryggisgreiningar og til að koma upp um svindl, fyrir samstillingarþjónustu á borð við tölvupósthólf notanda, til að muna kjörstillingar notanda og til að bjóða upp á tengdar auglýsingar.