Gerðir fótspora sem Google notar

Við notum mismunandi gerðir af fótsporum til að keyra vefsvæði Google og auglýsingatengdar vörur. Sum eða öll eftirtalinna fótspora kunna að vera vistuð á vafranum þínum. Þú getur skoðað og stjórnað fótsporum í vafranum þínum (þótt slíkur sýnileiki sé ef til vill ekki til staðar í vöfrum fartækja).

Notkunarsvið Dæmi

Kjörstillingar

Þessi fótspor gera vefsvæðum okkar kleift að muna upplýsingar sem hafa áhrif á virkni og útlit vefsvæðis, svo sem hvaða tungumál þú velur að nota og á hvaða svæði þú býrð. Vefsvæði sem veit til dæmis á hvaða svæði þú býrð getur boðið þér upp á veðurspá fyrir nágrennið eða rfréttir af umferð. Þessi fótspor geta einnig komið þér að gagni við breytingar á textastærð, leturgerð og öðrum þáttum vefsíðna sem hægt er að stilla eftir eigin höfði.

Ef upplýsinganna sem vistaðar eru á stillingafótsporinu nýtur ekki við kann að vera að notkun vefsvæðisins sé ekki jafnþægileg en það ætti ekki að hindra virkni þess.

Flestir notendur Google eru með stillingafótspor sem kallast „NID“ í vafranum. Vafri sendir þetta fótspor ásamt beiðnum til vefsvæða Google. Fótsporið „NID“ er með einkvæmt auðkenni sem Google notar til að muna kjörstillingar þínar og aðrar upplýsingar, svo sem um val á tungumáli (t.d. íslensku), hversu margar leitarniðurstöður þú vilt að birtist á hverri síðu (t.d. 10 eða 20) og hvort þú vilt hafa kveikt á SafeSearch síu Google eða ekki.

Öryggi

Við notum öryggisfótspor til að auðkenna notendur, koma í veg fyrir sviksamlegar innskráningar og vernda gögn notenda fyrir óviðkomandi aðilum.

Til að mynda notum við fótspor sem heita „SID“ og „HSID“, sem innihalda stafrænt undirritaðar og dulkóðaðar skrár yfir Google reikningskenni notanda og tímasetningu síðustu innskráningar. Með því að nota þessi tvö fótspor getum við lokað á margar tegundir árása, svo sem tilraunir til að stela upplýsingum vefeyðublaða sem þú hefur fyllt út á netinu.

Ferli

Ferlafótspor nýtast við að tryggja að vefsvæðið virki og skili tilætlaðri þjónustu til notenda þess, svo sem að gera þeim kleift að fletta í gegnum vefsíður eða komast inn á örugg svæði á vefsvæðinu. Án þessara fótspora getur vefsvæðið ekki starfað sem skyldi.

Við notum til dæmis fótspor sem heitir „lbcs“ og leyfir að mörg skjöl í Google skjölum séu opnuð í einum vafra. Ef þetta fótspor er útilokað getur það valdið því að Google skjöl starfi ekki rétt.

Auglýsingar

Við notum fótspor til að auka verðmæti auglýsinga fyrir útgefendur og auglýsendur. Algengt er að fótspor séu notuð til að velja auglýsingar sem hafa þýðingu fyrir notandann, í því skyni að bæta tölur um áhrif auglýsingaherferða og til að forðast að birta notandanum auglýsingar sem hann hefur þegar séð.

Google notar fótspor á borð við NID og SID til að sérsníða auglýsingar í þjónustu sinni, t.d. Google leit. Við notum slík fótspor til dæmis til að muna nýlega leit þína, fyrri samskipti þín við auglýsingar eða leitarniðurstöður viðkomandi auglýsanda og heimsóknir þínar á vefsvæði auglýsandans. Þetta hjálpar okkur að birta þér sérsniðnar auglýsingar á Google.

Við notum einnig eitt eða fleiri fótspor fyrir auglýsingar sem birtast víða á vefnum. Eitt helsta auglýsingafótsporið á vefsvæðum utan Google heitir „IDE“ og er geymt í vöfrum undir léninu doubleclick.net. Annað er geymt á google.com og er kallað „ANID“. Við notumst einnig við önnur fótspor sem bera heiti á borð við „DSID“, „FLC“, „AID“, „TAID“ og „exchange_uid“. Í annarri þjónustu Google, svo sem á YouTube, er ef til vill einnig notast við þessi fótspor til að birta þér markvissari auglýsingar.

Stundum kunna auglýsingafótspor að vera á léni vefsvæðis sem þú heimsækir. Í tilviki auglýsinga sem við birtum á vefnum kunna fótspor sem heita „__gads“ eða „__gac“ að vera á léni vefsvæðis sem þú heimsækir. Ólíkt fótsporum sem eru sett á eigin lén Google getur Google ekki lesið þessi fótspor þegar þú ert á öðru vefsvæði en því sem fótsporunum var komið fyrir á. Tilgangur þeirra er til dæmis að mæla viðbrögð við auglýsingunum á léninu og koma í veg fyrir að sömu auglýsingarnar birtist þér of oft.

Google notar einnig fótspor til að mæla árangurshlutfall sem þjóna þeim megintilgangi að hjálpa auglýsendum að komast að því hversu oft fólk sem smellir á auglýsingar þeirra endar á því að kaupa vörur þeirra. Þessi fótspor gera Google og auglýsendum kleift að ákvarða hvenær þú smellir á auglýsingu og ferð í framhaldinu á vefsvæði auglýsandans. Google notar ekki árangurshlutfallsfótspor til að sérsníða auglýsingar og þau vara aðeins í takmarkaðan tíma. Fótspor sem kallast „Conversion“ sér um þetta. Það er yfirleitt að finna á léninu googleadservices.com eða léninu google.com (þú finnur lista yfir lén sem við notum fyrir auglýsingafótspor neðst á þessari síðu). Sum af öðrum fótsporum okkar er einnig hægt að nota til að mæla árangur. Til dæmis má einnig nota fótspor frá DoubleClick og Google Analytics í þessum tilgangi.

Við notum einnig fótspor sem heita „AID“, „DSID“ og „TAID“, en þau eru notuð til að tengja saman virkni þína milli tækja ef þú hefur áður skráð þig inn á Google reikninginn þinn í öðru tæki. Þetta gerum við til að samræma auglýsingarnar sem birtast þér milli tækja og mæla söluárangur. Þessi fótspor kunna að vera á lénunum google.com/ads, google.com/ads/measurement eða googleadservices.com. Ef þú vilt ekki að auglýsingarnar sem þú sérð séu samræmdar á milli tækja geturðu afþakkað sérsniðnar auglýsingar með því að nota auglýsingastillingar.

Staða lotu

Vefsvæði safna oft upplýsingum um það hvernig notendur nota vefsvæðin. Þar á meðal eru upplýsingar um hvaða vefsíður fólk skoðar oftast og hvort villuskilaboð birtast á tilteknum síðum. Við notum fótspor um stöðu lotu til að bæta þjónustu okkar svo að þægilegra sé fyrir notendur að skoða vefsvæði okkar. Vefsvæði verða ekki ónothæf þótt lokað sé á þessi fótspor eða þeim eytt.

Þessi fótspor kunna líka að vera notuð nafnlaust til að mæla virkni PPC (greitt fyrir smell) og auglýsinga samstarfsaðila.

Við notum til dæmis fótsporið „recently_watched_video_id_list“ til að YouTube geti skráð hvaða vídeó hefur verið horft á nýlega í tilteknum vafra.

Analytics

Google Analytics er greiningarverkfæri frá Google sem hjálpar eigendum vefsvæða og forrita að sjá hvað gestir þeirra gera á vefsvæðinu eða í forritinu. Það getur notað ýmis fótspor til að safna upplýsingum og birta notkunarupplýsingar um vefsvæði, án þess þó að auðkenna einstaka notendur Google. Algengasta fótsporið sem Google Analytics notar er fótsporið „__ga“.

Google Analytics er notað til að birta notkunarupplýsingar um vefsvæði en það má til viðbótar nota samhliða sumum fótsporanna sem lýst er hér að framan til að birta markvissari auglýsingar á vefsvæðum Google (t.d. Google leit) og á vefnum öllum og til að mæla viðbrögð við auglýsingunum sem við birtum.

Hér má lesa meira um fótspor og öryggi í Analytics.

Við notum ýmis lén til að vista fótspor sem notuð eru í auglýsingavörum okkar, þar á meðal eftirfarandi lén og sumar landsbundnar útgáfur þessara léna (t.d. google.is):