Hvernig Google Wallet notar kreditkortanúmer

Google notar númer kredit- og debetkorta sem þú slærð inn í Google Wallet reikninginn þinn til að afgreiða greiðslur fyrir kaup á netinu eða utan þess sem þú framkvæmir með Google Wallet, þ. á m. færslur í Google Play, og til að hafa eftirlit með svikum. Yfirlýsing Google Wallet um persónuvernd veitir nákvæmar upplýsingar um það hvernig við notum reikningsupplýsingarnar þínar í Google Wallet, þ.m.t. upplýsingar sem við söfnum og hvernig við deilum þeim. Við deilum persónuupplýsingum aðeins með þriðju aðilum í þeim tilfellum sem lýst er í yfirlýsingu Wallet um persónuvernd. Kredit- og debetkortanúmerin sem þú slærð inn í Google Wallet reikninginn þinn eru dulkóðuð og vistuð á öruggum netþjónum á öruggum stað.