Haltu tækinu þínu hreinu

Ef þú ert send(ur) áfram af Google yfir á aðra síðu eða ef auglýsingar spretta upp, óumbeðnar tækjastikur birtast eða þú færð skrýtnar leitarniðurstöður á Google getur verið að tölvan þín sé sýkt af spilliforritum. Spilliforrit er hugbúnaður sem er hannaður til að valda skaða og taka yfir stjórn tölvunnar þinnar.

Vísbendingar um að tölvan sé sýkt

Ef þú ert með spilliforrit í tölvunni getur verið að þú takir eftir þessum einkennum:

  • Auglýsingar sem spretta upp
  • Óumbeðnar tækjastikur
  • Óviðeigandi Google leitarniðurstöður eða auglýsingar
  • Önnur síða opnast í stað þeirrar sem þú ert að reyna að fara á, s.s. upphafssíðunnar eða Google
  • Þú sérð leitarvél sem lítur út eins og Google en vefslóð hennar eða merki er undarlegt
  • Þú færð niðurstöður frá rangri leitarvél

Spilliforrit fjarlægð úr tölvu eða vafra

  1. Farðu yfir hvaða forrit eru í tölvunni og fjarlægðu þau sem þú kannast ekki við.

Nokkur dæmi um forrit til að fjarlægja:

  • BrowserProtect
  • Desk 365
  • Dosearches Browser Protector
  • DProtect
  • eSave Security Control
  • Extended Protection
  • Nation Zoom browser protection
  • New Tabs Uninstall
  • Omiga plus
  • Wysys Control

2. Ef þú notar Chrome eða Firefox skaltu nota endurstillingareiginleika vafrans til að afturkalla breytingarnar sem þú sérð og færa stillingarnar aftur í eðlilegt horf.

3. Ef þú notar annan vafra skaltu nota vírusvarnarhugbúnað til að greina og fjarlægja spilliforrit úr tölvunni.

4. Ef ekki tókst að leysa vandann með því að fylgja ofangreindum leiðbeiningum skaltu skrifa færslu á Umræðusvæði Google leitar þar sem þú lýsir vandamálinu. Taktu fram hvaða skref þú hefur þegar farið í gegnum til að leysa vandann.

Komið í veg fyrir að tölvan sýkist af spilliforriti

1. ábending: Uppfærðu vafrann og stýrikerfið í nýjustu útgáfu.

Flest stýrikerfi láta þig vita þegar kominn er tími til að uppfæra – ekki hunsa þessi skilaboð. Gamlar útgáfur af hugbúnaði búa stundum yfir öryggisvandamálum sem glæpamenn geta nýtt sér til að komast yfir gögnin þín á auðveldan hátt.

Chrome vafrinn frá Google uppfærist sjálfkrafa í nýjustu útgáfuna í hvert skipti sem þú ræsir hann. Þannig færðu bestu mögulegu öryggisvernd án fyrirhafnar.

2. ábending: Vertu á varðbergi þegar þú smellir á eitthvað og sækir.

Þú gætir óvart smellt á tengil sem setur upp spilliforrit í tölvunni þinni. Til að halda tölvunni öruggri skaltu bara smella á tengla og sækja efni af vefsvæðum sem þú treystir. Ekki opna óþekktar skráargerðir eða sækja forrit sem birtast í sprettigluggum í vafranum.

Taktu líka eftir smáa letrinu og útfylltum gátreitum við niðurhal á efni. Vertu viss um að þú skiljir hvaða forrit þú ert að setja upp.

Öryggisverkfæri

Kynntu þér fimm helstu öryggiseiginleika Google sem eru hannaðir til að stuðla að fjölskylduvernd á netinu.

Google reikningar

Gerðu Google reikninginn þinn enn öruggari

Þú eykur öryggi Google reikningsins þíns með því að bæta við tvíþættri staðfestingu. Ef þú ert með kveikt á tvíþættri staðfestingu sendir Google aðgangskóða í farsímann þinn þegar einhver reynir að skrá sig inn á reikninginn þinn úr áður óþekktri tölvu. Þetta þýðir að þótt einhver steli eða giski á aðgangsorðið þitt getur sá hinn sami ekki skráð sig inn á reikninginn þinn nema hafa símann þinn. Þannig geturðu varið þig með einhverju sem þú veist (aðgangsorðið) og einhverju sem þú ert með (síminn).

Frekari upplýsingar

Opnaðu stillingarnar með því að smella á nafnið þitt eða myndina í hægra horninu og smella svo á Reikningur.

Smelltu á Öryggi efst. Í aðgangsorðsglugganum skaltu smella á Uppsetning við hliðina á Tvíþætt staðfesting.

Þá færðu leiðbeiningar sem fylgja þér í gegnum uppsetningarferlið.

Síðan opnast stillingar tvíþættrar staðfestingar á ný. Yfirfarðu stillingarnar og bættu við varasímanúmerum.

Þá er það komið! Næst þegar þú skráir þig inn færðu send SMS-skilaboð með staðfestingarkóða.

Chrome

Vafrað á vefnum án þess að skilja eftir spor

Þú getur notað huliðsstillingu í Chrome vafranum í tölvunni, spjaldtölvunni eða símanum til að vafra án þess að skilja eftir þig nein spor. Ef huliðsstilling er virk skráir Chrome ekki þær síður sem þú skoðar og skrár sem þú sækir í vafra- eða niðurhalsferil.

Frekari upplýsingar

Smelltu á Chrome valmyndina á tækjastiku vafrans → Smelltu á „Nýr huliðsgluggi“.

Nýr gluggi birtist, með tákni huliðsstillingar í horninu. Til að hætta þarftu bara að loka glugganum.

Google reikningar

Google reikningurinn eins og þú vilt hafa hann

Á stillingasíðu reikningsins þíns sérðu þá þjónustu og upplýsingar sem tengjast Google reikningnum þínum og getur breytt öryggis- og persónuverndarstillingum.

Frekari upplýsingar

Opnaðu stillingarnar með því að smella á nafnið þitt eð a

Google reikningar

Fáðu tilkynningu ef nafnið þitt birtist á vefnum

„Ég á vefnum“ getur hjálpað þér að skilja og stjórna því sem fólk sér þegar það leitar að þér á Google. Eiginleikinn aðstoðar þig við að setja upp Google tilkynningar til að fylgjast með ef upplýsingar um þig birtast á netinu og stingur sjálfkrafa upp á ýmsum leitarskilyrðum sem þú kannt að vilja hafa auga með.

Frekari upplýsingar

Skráðu þig inn á Google reikninginn þinn og farðu á hlutann „Ég á vefnum“.

Smelltu á Stjórna veftilkynningum og smelltu svo á rauða hnappinn til að búa til tilkynningu.

Nafnið þitt birtist í textareitnum. Smelltu í textareitinn til að sjá fleiri uppástungur um veftilkynningar.

Smelltu á „Bæta við“ til að bæta við tilkynningu. Smelltu á blýantstáknið til að gera breytingar og ruslafötutáknið til að eyða.

Í fellivalmyndinni „Hversu oft“ skaltu velja tíðni tilkynninga.

Google reikningar

Hafðu umsjón með gögnunum á Google reikningnum þínum

Stjórnborð Google sýnir þér það sem er vistað á Google reikningnum þínum og veitir þér yfirlit yfir nýlega virkni á reikningnum. Á einum miðlægum stað geturðu auðveldlega skoðað gögnin þín og virkni og valið stillingar fyrir þjónustu á borð við Blogger, dagatal, skjöl, Gmail, Google+ og fleira.

Frekari upplýsingar

Farðu á stjórnborðið til að sjá yfirlit yfir gögnin sem tengjast Google reikningnum þínum og hafa umsjón með stillingunum þínum.

Hér geturðu séð og haft umsjón með gögnum sem vistuð eru á Google reikningnum þínum.

Sjá fleiri öryggisverkfæri