Sía

Google leit

Tilkynntu óviðeigandi niðurstöður SafeSearch

Ef þú rekst á niðurstöðu úr SafeSearch sem er ekki við hæfi barna skaltu láta okkur vita. Við vinnum stanslaust að því að bæta efnissíurnar okkar og ábending frá þér hjálpar okkur við að gera SafeSearch öruggara fyrir alla.

Frekari upplýsingar

Smelltu á óviðeigandi myndina sem birtist í leitarniðurstöðunum til að opna síðu með fleiri valkostum

Smelltu á Senda ábendingu neðst til hægri á myndaniðurstöðusvæðinu.

YouTube

Tilkynntu vafasamt efni

Starfsmenn okkar vinna allan sólarhringinn við að tryggja öryggi þitt og fjölskyldu þinnar á YouTube. Ef þú sérð efni eða verður vitni að hegðun sem þú telur að brjóti í bága við samfélagsreglur YouTube geturðu sent það inn til skoðunar. Ef myndskeið brýtur í bága við reglur netsamfélagsins er það fjarlægt af vefsvæðinu. Ef það brýtur ekki reglurnar en er mögulega ekki viðeigandi fyrir alla er hægt að setja aldurstakmark á myndskeiðið svo að yngri notendur geti ekki horft á það.

Frekari upplýsingar

Til að tilkynna myndskeið skaltu smella á hnappinn „Tilkynna“ fyrir neðan myndspilarann.

Smelltu á þá ástæðu fyrir tilkynningunni sem best lýsir broti myndskeiðsins

Gefðu ítarlegri upplýsingar sem gætu aðstoðað starfsfólk okkar við að taka ákvörðun um málið.

Myndskeið eru tilkynnt undir nafnleynd en þú verður að vera innskráð(ur) til að nota tilkynningaverkfærin.

Upplýsingar um hvernig tilkynna á ummæli eða rás er að finna í hjálparmiðstöðinni.

Google+

Tilkynntu móðgandi efni

Ef einhver skrifar óviðeigandi ummæli við færslu á Google+ geturðu tilkynnt þau, jafnvel úr fartæki. Google+ setur skýrar reglur um efni sem útlista hvað þykir viðeigandi og hvað þykir óviðeigandi hegðun á vefsvæðinu. Ef þú sérð efni eða verður vitni að hegðun sem brýtur í bága við stefnu okkar geturðu sent það inn til skoðunar. Við förum yfir tilkynningar dag sem nótt og fjarlægjum efni og takmörkum eða lokum reikningum notenda sem brjóta reglur okkar.

Frekari upplýsingar

Til að tilkynna færslu skaltu smella á örina efst til hægri í færslunni. Smelltu síðan á „Tilkynna um rusl eða misnotkun“.

Þú getur tekið fram af hverju þú ert að tilkynna færsluna í sprettiglugganum sem opnast.

Að þessu loknu birtist rautt flagg við hliðina á færslunni. Til að hætta við að senda tilkynningu skaltu smella á rauða flaggið.

Til að tilkynna ummæli skaltu færa bendilinn yfir ummælin og smella á gráa flaggið sem birtist.

Google+

Tryggðu öryggi allra í Hangouts

Við viljum að Hangouts sé skemmtilegt fyrir alla. Ef þú sérð efni eða verður vitni að hegðun sem brýtur í bága við reglur Google+ um efni og framferði notenda geturðu sent það til skoðunar. Regluarnar gegna mikilvægu hlutverki við að gera Google+ að öruggum og jákvæðum stað og því munum við fjarlægja efni og takmarka eða loka fyrir reikninga hjá notendum sem brjóta reglur okkar. Þú getur einnig sett notanda í samtali á bannlista ef þú vilt ekki lengur sjá eða heyra í viðkomandi.

Frekari upplýsingar

Til að loka á notanda í samtali færirðu bendilinn yfir smámynd viðkomandi.

Smelltu á hunsunartáknið.

Til að loka varanlega á notanda í samtali skaltu merkja í reitinn við hliðina á „Eyða varanlega“ og velja svo „Lokið“.

Blogger

Leggðu þitt af mörkum til að tryggja öryggi allra í bloggheimum

Skýrar reglur gilda um hvers konar efni má birta á Blogger. Ef þú sérð efni sem brýtur gegn reglum Blogger um efni geturðu sent það inn til skoðunar. Allt efni sem brýtur í bága við reglur okkar verður fjarlægt og ef efni brýtur ekki í bága við reglur okkar en er mögulega ekki viðeigandi fyrir alla aldurshópa birtist viðvörunarsíða.

Frekari upplýsingar

Opnaðu hjálpargreinina hérna til að tilkynna efni.

Neðst á síðunni skaltu velja hvers konar misnotkun um er að ræða til að fá aðgang að viðeigandi eyðublaði

Fylltu út nauðsynlega rieti og smelltu á „Senda“.

Ef þú ert að skoða blogg sem þú vilt tilkynna skaltu smella á fellivalmyndina „meira“ efst á síðunni.

Smelltu svo á „Tilkynna misnotkun“ og fylgdu skrefunum til að tilkynna efni á síðunni til Blogger.

Google Play

Notaðu barnalæsingu til að sía forrit eftir efnisflokkun

Þú getur notað barnalæsingu til að takmarka hvaða efni er hægt að sækja eða kaupa á Google Play. Þetta hjálpar þér að finna viðeigandi efni fyrir þig og fjölskyldu þína.

Frekari upplýsingar

Opnaðu Play Store forritið í tækinu.

Ýttu á valmyndartáknið í horninu efst til vinstri.

Veldu Stillingar.

Veldu Barnalæsing.

Kveikja á barnalæsingu.

Búðu til PIN-númer.

Veldu „Forrit og leikir“.

Veldu stig takmörkunar.

Google leit

Stilltu bara einu sinni. Haltu öryggisstillingunni læstri

Ef þú vilt hafa öryggisstillinguna á til frambúðar geturðu læst henni. Þá verður öryggisstillingin sjálfkrafa virk í hvert sinn sem þú ferð á YouTube úr þeim vafra.

Frekari upplýsingar

Veldu „Kveikt“ eða „Slökkt“ til að kveikja eða slökkva á öryggisstillingunni.

Til að læsa þessari stillingu skaltu skrá þig inn á Google reikninginn þinn.

Þegar þú hefur skráð þig inn gefst þér kostur á að læsa þessari stillingu.

YouTube

Búðu til síu til að útiloka óviðeigandi efni

Ef þú vilt ekki sjá efni sem er ætlað fullorðnum eða efni sem hefur aldurstakmark á YouTube skaltu fletta neðst á hvaða YouTube síðu sem er og virkja öryggisstillinguna. Öryggisstillingin hjálpar við að sía út óæskilegt efni úr leit, tengdum myndskeiðum, spilunarlistum, þáttum og kvikmyndum.

Frekari upplýsingar

Flettu neðst á hvaða YouTube síðu sem er og smelltu á fellivalmyndina í hlutanum „Öryggi“.

Veldu „Kveikt“ eða „Slökkt“ til að kveikja eða slökkva á öryggisstillingunni.

Til að læsa þessari stillingu skaltu skrá þig inn á Google reikninginn þinn.

Þegar þú hefur skráð þig inn gefst þér kostur á að læsa þessari stillingu.

Google Play

Komdu í veg fyrir óviljandi eða óumbeðin kaup

Þú getur komið í veg fyrir óviljandi kaup í Google Play með því að fara fram á tilteknar upplýsingar við greiðslu, svo sem aðgangsorð.

Frekari upplýsingar

Opnaðu Play Store forritið í tækinu.

Ýttu á valmyndartáknið í horninu efst til vinstri.

Veldu Stillingar.

Veldu „Krefjast auðkenningar fyrir kaup“.

Veldu þann kost sem hentar þér best. Ef þú ert foreldri eða hyggst deila tækinu með öðrum mælum við með því að þú veljir „Fyrir öll kaup í gegnum Google Play í þessu tæki“.

YouTube

Stjórnaðu YouTube ummælum

Ef einhver skrifar ummæli sem þú vilt ekki að birtist við myndskeiðin þín eða rásina geturðu útilokað notandann á YouTube. Þá getur viðkomandi ekki skrifað fleiri ummæli við efnið þitt eða sent þér einkaskilaboð.

Frekari upplýsingar

Til að loka á einhvern á YouTube ferðu inn á rásarsíðu viðkomandi, sem ætti að vera áþekk þessari: www.youtube.com/user/NAFN.

Á flipanum „Um rásina“ skaltu smella á flaggtáknið.

Smelltu svo á „Loka á notanda“.

YouTube

Deildu myndskeiðum með útvöldum

Hvort sem þú vilt halda myndskeiði út af fyrir þig, deila því með vel völdum vinum eða bera það út um allar jarðir er til persónuverndarstilling fyrir þig. Á YouTube eru myndskeið sjálfgefið stillt á „Opinbert“ en því er auðvelt að breyta undir „Persónuverndarstillingar“ þegar þú flytur myndskeiðið inn. Ef þú skiptir um skoðun seinna geturðu alltaf breytt persónuverndarstillingum myndskeiðs sem þú hefur hlaðið upp áður.

Frekari upplýsingar

Til að breyta persónuverndarstillingunum ferðu í Vídeóstjórnun.

Finndu myndskeiðið sem þú vilt breyta og smelltu á hnappinn „Breyta“.

Farðu í fellivalmyndina „Persónuverndarstillingar“.

Veldu Opinbert til að deila myndskeiðinu með öllum, Óskráð til að deila því með þeim sem þú sendir tengilinn og Lokað til að deila því bara með útvöldum notendum.

Smelltu á „Vista breytingar“.

YouTube

Hafðu yfirsýn yfir það sem fólk segir um myndskeiðin þín.

Það er auðvelt að hafa umsjón með ummælunum við YouTube rásina þína. Þú getur valið að eyða ummælum, eða fresta birtingu ummæla frá tilteknum notendum eða sem innihalda tiltekin orð, þar til þú hefur yfirfarið þau.

Frekari upplýsingar

Til að hafa umsjón með ummælunum skaltu smella á örina efst til hægri við ummæli til að sjá valkostina.

Smelltu á „Fjarlægja“ til að eyða ummælunum af YouTube.

Eða smelltu á „Banna frá rás“ til að útiloka notandann svo hann geti ekki aftur skrifað ummæli við myndskeið á rásinni þinni.

Í stillingum ummæla geturðu valið að biðja um samþykki á öllum nýjum ummælum áður en þau birtast, eða lokað á ummæli með öllu.

Í stillingum ummæla getur þú stillt síur til að stjórna því hverjir geta skrifað ummæli við rásina þína. Þú getur líka útilokað ummæli sem innihalda tiltekin orð.

Google+

Stöðvaðu óæskileg ummæli eða merkingar

Ef þú vilt ekki sjá færslur frá einhverjum á Google+ geturðu lokað á hann með því að fara á prófíl viðkomandi og velja „Tilkynna/loka á notanda“. Þú getur líka þaggað tilteknar færslur til að þær birtist ekki lengur í straumnum þínum.

Frekari upplýsingar

Til að loka á einhvern í tölvu skaltu fara á prófíl viðkomandi.

Við hliðina á prófíl viðkomandi skaltu velja „Tilkynna/loka á notanda“.

Staðfestu að þú viljir loka á viðkomandi notanda.

Google+

Veldu hvaða uppfærslur þú sérð í straumnum þínum

Hvað ef einhver setur þig í hringina sína en þú hefur ekki áhuga á samskiptum við viðkomandi? Ef þú vilt ekki útiloka notandann geturðu þaggað færslur frá honum. Ef þú þaggar notanda færðu ekki lengur tilkynningar frá honum eða síðu hans.

Frekari upplýsingar

Opnaðu Google+.

Opnaðu prófílinn eða síðuna sem þú vilt þagga.

Smelltu á örina fyrir neðan prófílmynd og upplýsingar notandans.

Veldu „Þagga [notanda/síðu]“.

Android

Takmarkaðu aðgang við samþykkt forrit og leiki

Viltu leyfa einhverjum að nota spjaldtölvuna þína en án þess að viðkomandi komist í allt dótið þitt? Í Android spjaldtölvum með útgáfu 4.3 eða nýrri af Android er hægt að búa til prófíla með takmarkaðar aðgangsheimildir, sem takmarka aðgang annarra notenda að eiginleikum og efni á tölvunni þinni.

Frekari upplýsingar

Ef þú ert eigandi spjaldtölvunnar snertirðu Settings (stillingar) → Users (notendur) → Add user or profile (bæta við notanda eða prófíl)

Ýttu á „Takmarkað snið“ og svo „Nýtt snið“ og gefðu svo sniðinu heiti.

Þú getur kveikt og slökkt á eiginleikum og notað stillingarnar til að veita aðgang að eiginleikum, stillingum og forritum.

Ýttu á aflrofann til að fara aftur á lásskjáinn og snertu svo tákn nýja prófílsins.

Þegar allt er uppsett birtist heimaskjárinn sem auður. Snertu táknið fyrir öll forrit til að hefjast handa í nýja prófílnum.

Chrome

Stjórnaðu því hvað börnin þín sjá á vefnum

Ef þú vilt stjórna því hvaða vefsvæði fjölskyldan getur heimsótt á netinu geturðu notað „stýrða notendur“ í Google Chrome. Með því að notast við stýrða notendur geturðu séð síðurnar sem stýrði notandinn hefur heimsótt og lokað á vefsvæði sem þú vilt ekki að hann sjái.

Frekari upplýsingar

Til að setja upp stýrðan notanda á þinni Chromebook tölvu ferðu á aðalinnskráningarskjáinn og velur „Add user“ (bæta við notanda).

Hægra megin á skjánum velurðu „Create a supervised user“ (stofna stýrðan notanda).

Smelltu á „Create a supervised user“ (stofna stýrðan notanda).

Skráðu þig inn á reikninginn sem á að fylgjast með stýrða notandanum og veldu Next (áfram).

Veldu notandanafn, aðgangsorð og mynd fyrir stýrða notandann. Smelltu á Next (áfram).

Google reikningar

Gerðu Google reikninginn þinn enn öruggari

Þú eykur öryggi Google reikningsins þíns með því að bæta við tvíþættri staðfestingu. Ef þú ert með kveikt á tvíþættri staðfestingu sendir Google aðgangskóða í farsímann þinn þegar einhver reynir að skrá sig inn á reikninginn þinn úr áður óþekktri tölvu. Þetta þýðir að þótt einhver steli eða giski á aðgangsorðið þitt getur sá hinn sami ekki skráð sig inn á reikninginn þinn nema hafa símann þinn. Þannig geturðu varið þig með einhverju sem þú veist (aðgangsorðið) og einhverju sem þú ert með (síminn).

Frekari upplýsingar

Opnaðu stillingarnar með því að smella á nafnið þitt eða myndina í hægra horninu og smella svo á Reikningur.

Smelltu á Öryggi efst. Í aðgangsorðsglugganum skaltu smella á Uppsetning við hliðina á Tvíþætt staðfesting.

Þá færðu leiðbeiningar sem fylgja þér í gegnum uppsetningarferlið.

Síðan opnast stillingar tvíþættrar staðfestingar á ný. Yfirfarðu stillingarnar og bættu við varasímanúmerum.

Þá er það komið! Næst þegar þú skráir þig inn færðu send SMS-skilaboð með staðfestingarkóða.

Android

Verðu tækið þitt fyrir hnýsnum augum

Ef þú vilt ekki að neinn sem tekur upp símann þinn eða spjaldtölvuna hafi aðgang að dótinu þínu geturðu sett skjálás á tækið. Þú getur valið PIN-númer, aðgangsorð eða mynstur og jafnvel læst símanum með andlitinu!

Frekari upplýsingar

Opnaðu Settings (stillingar) → Personal (persónuvernd) → Security (öryggi) → Screen lock (skjálás).

Veldu þá tegund af læsingu sem þú vilt nota og fylgdu leiðbeiningunum á skjánum.

Android

Sjáðu hvar tækið er á korti ef þú týnir því eða því er stolið

Með tækjastjórnun Android (Android Device Manager) geturðu fundið, hringt í eða þurrkað gögn út af Android tækinu þínu, jafnvel þótt það týnist eða því sé stolið. Ef þú virkjar þennan eiginleika geturðu staðsett símann þinn eða spjaldtölvuna á korti, eytt gögnum af tækinu gegnum fjartengingu eða hringt í símann til að finna hann.

Frekari upplýsingar

Opnaðu stillingar Google úr forritavalmyndinni og snertu Öryggi.

Undir „Android tækjastjórnun“ geturðu kveikt á „Læsa þessu tæki úr fjarska“ og/eða „Leyfa fjarlæsingu og -eyðingu“.

Skráðu þig inn á Android Device Manager til að finna tækið þitt.

Veldu: „Ring your device“ (hringja í tækið); „Lock your device with a new password“ (læsa tækinu með nýju aðgangsorði) eða „Erase all of your data“ (hreinsa öll gögn).

Chrome

Vafrað á vefnum án þess að skilja eftir spor

Þú getur notað huliðsstillingu í Chrome vafranum í tölvunni, spjaldtölvunni eða símanum til að vafra án þess að skilja eftir þig nein spor. Ef huliðsstilling er virk skráir Chrome ekki þær síður sem þú skoðar og skrár sem þú sækir í vafra- eða niðurhalsferil.

Frekari upplýsingar

Smelltu á Chrome valmyndina á tækjastiku vafrans → Smelltu á „Nýr huliðsgluggi“.

Nýr gluggi birtist, með tákni huliðsstillingar í horninu. Til að hætta þarftu bara að loka glugganum.

Google reikningar

Google reikningurinn eins og þú vilt hafa hann

Á stillingasíðu reikningsins þíns sérðu þá þjónustu og upplýsingar sem tengjast Google reikningnum þínum og getur breytt öryggis- og persónuverndarstillingum.

Frekari upplýsingar

Opnaðu stillingarnar með því að smella á nafnið þitt eð a

Google reikningar

Hafðu umsjón með gögnunum á Google reikningnum þínum

Stjórnborð Google sýnir þér það sem er vistað á Google reikningnum þínum og veitir þér yfirlit yfir nýlega virkni á reikningnum. Á einum miðlægum stað geturðu auðveldlega skoðað gögnin þín og virkni og valið stillingar fyrir þjónustu á borð við Blogger, dagatal, skjöl, Gmail, Google+ og fleira.

Frekari upplýsingar

Farðu á stjórnborðið til að sjá yfirlit yfir gögnin sem tengjast Google reikningnum þínum og hafa umsjón með stillingunum þínum.

Hér geturðu séð og haft umsjón með gögnum sem vistuð eru á Google reikningnum þínum.

Google reikningar

Fáðu tilkynningu ef nafnið þitt birtist á vefnum

„Ég á vefnum“ getur hjálpað þér að skilja og stjórna því sem fólk sér þegar það leitar að þér á Google. Eiginleikinn aðstoðar þig við að setja upp Google tilkynningar til að fylgjast með ef upplýsingar um þig birtast á netinu og stingur sjálfkrafa upp á ýmsum leitarskilyrðum sem þú kannt að vilja hafa auga með.

Frekari upplýsingar

Skráðu þig inn á Google reikninginn þinn og farðu á hlutann „Ég á vefnum“.

Smelltu á Stjórna veftilkynningum og smelltu svo á rauða hnappinn til að búa til tilkynningu.

Nafnið þitt birtist í textareitnum. Smelltu í textareitinn til að sjá fleiri uppástungur um veftilkynningar.

Smelltu á „Bæta við“ til að bæta við tilkynningu. Smelltu á blýantstáknið til að gera breytingar og ruslafötutáknið til að eyða.

Í fellivalmyndinni „Hversu oft“ skaltu velja tíðni tilkynninga.

Google+

Deildu færslum og myndum með rétta fólkinu

Deildu réttu hlutunum með rétta fólkinu með því að nota Google+ hringi. Þú getur til dæmis búið til hring fyrir vinina, annan fyrir fjölskylduna og enn annan fyrir yfirmanninn þinn. Þegar þú deilir færslum er því auðvelt að velja hver fær að sjá þær.

Frekari upplýsingar

Google+

Njóttu þess að spjalla undir fjögur augu við fólk í hringjunum þínum

Hangouts eru skemmtileg og traust leið til að halda sambandi við fjölskyldu og vini. Sendu skilaboð, deildu myndum og hringdu myndsímtöl hvert sem er í heiminum, án þess að hafa áhyggjur af flugmiðakaupum og gjaldeyrishöftum. Þú getur haft samtölin lokuð eða opinber og við höfum smíðað marga eiginleika sem tryggja að samtölin þín séu örugglega lokuð þegar þú vilt spjalla í einrúmi.

Frekari upplýsingar

Í Hangouts geturðu sent skilaboð, myndir og emoji-tákn og hringt myndsímtöl til vina og fjölskyldu. Frekari upplýsingar um Hangouts eru hér.

Google reikningar

Gögnin þín, hvar sem er

Google Takeout er einstaklega einföld leið til að hlaða niður gögnum úr Google vörum sem þú notar, svo sem skjölum á Drive, skeytum í Gmail og YouTube myndskeiðum. Þú getur nýtt það til að taka öryggisafrit, flytja upplýsingarnar þínar í aðra þjónustu eða prenta út myndir sem veggspjöld. Þú ræður!

Frekari upplýsingar

Smelltu á „Búa til safnskrá“.

Veldu Google vörurnar sem hafa á með í safnskránni.

Smelltu á „Búa til safnskrá“.

YouTube

Undir fjögur augu eða heimsfrumsýning? Þú ræður för

Stundum vill maður deila YouTube myndskeiðunum sínum með þröngum hópi vina eða jafnvel halda þeim út af fyrir sig. Ef svo er geturðu valið að hafa myndskeiðið „óskráð“ (birtist ekki í leitarniðurstöðum en sýnilegt fólki sem er með tengilinn) eða „lokað“ (aðeins þú getur séð það) þegar þú hleður því inn. Þegar þú hleður inn myndskeiði er það sjálfgefið gert „opinbert“ sem þýðir að hver sem er getur horft á það.

Frekari upplýsingar

Opnaðu Vídeóstjórnun.

Finndu myndskeiðið sem þú vilt breyta og smelltu á hnappinn „Breyta“.

Í fellivalmyndinni „Persónuverndarstillingar“ geturðu valið Opinbert, Óskráð eða Lokað.

Smelltu á „Vista breytingar“.

Google reikningar

Hafðu umsjón með hvernig gögnunum þínum er deilt

Mörg þeirra vefsvæða sem þú heimsækir notast við Google Analytics til að búa til nafnlausar skýrslar um gesti sína, sem eigendur vefsvæðanna nota til að gera umbætur á þeim. Ef þú vilt ekki að gögnum vafrans þíns sé deilt á þennan hátt geturðu sett upp skrá sem staðfestir það val þitt.

Frekari upplýsingar

Farðu á síðu Google Analytics til að segja þig úr þessu og náðu í viðbótina fyrir vafrann þinn.

Google reikningar

Sjáðu hvar þú hefur verið

Ef þú ert skráð(ur) inn á Google reikning vinnur vefferillinn stöðugt að því að birta þér markvissari niðurstöður og uppástungur. Ef þú vilt geturðu eytt færslum, gert hlé á gagnasöfnun eða slökkt á þjónustunni eins og hún leggur sig. Þú getur gert það sama með ferilinn þinn á YouTube.

Frekari upplýsingar

Skráðu þig inn á Google reikninginn þinn og farðu á https://www.google.com/history.

Þar geturðu stjórnað stillingunum þínum fyrir vefferilinn í Google.

Google reikningar

Stjórnaðu auglýsingastillingunum þínum

Auglýsingastillingarnar hjálpa þér að stjórna því hvernig auglýsingar birtast þér á Google. Kynntu þér hvernig auglýsingar eru valdar fyrir þig, stjórnaðu því hvaða upplýsingum þú deilir eða lokaðu á tiltekna auglýsendur.

Frekari upplýsingar

Þú getur opnað auglýsingastillingarnar með því að fara á www.google.is/settings/ads.

Þar geturðu breytt stillingunum, kynnt þér hvers vegna tilteknar auglýsingar birtast þér eða fjarlægt auglýsingar sem þú kærir þig ekki um að sjá.

Chrome

Deildu Chromebook tölvunni þinni með vini

Þú getur notað Chromebook með vinum og fjölskyldu jafnvel þótt þau séu ekki með Google reikning. Með því að notast við gestastillinguna geturðu leyft öðrum að nota Chromebook tölvuna þína en haldið upplýsingunum á reikningnum þínum öruggum.

Frekari upplýsingar

Til að hefja gestalotu skaltu velja „Browse as Guest“ (nota sem gestur) á ræsiskjánum.

Til að ljúka gestalotunni velurðu „Exit guest“ (loka gestalotu).

Chrome

Hreinsaðu vefferilinn

Ef þú notar Chrome sem vafra er auðvelt að eyða vefferlinum þínum, eða hluta hans. Og ef þú ert skráð(ur) inn á Chrome á mismunandi tækjum er ferlinum eytt samstundis á öllum tækjum.

Frekari upplýsingar

Til að hreinsa vefferilinn skaltu smella á valmyndartákn Chrome á vafrastikunni.

Veldu „More Tools“ (fleiri verkfæri) og svo „Clear browsing data“ (hreinsa vafragögn).

Í glugganum sem birtist skaltu velja gátreitinn „Clear browsing history“.

Notaðu valmyndina efst til að velja hvaða gögnum þú vilt eyða.

Chrome

Stjórnaðu því hvaða upplýsingar eru sendar til Google

Sumir valkostir Chrome vafrans nota upplýsingarnar þínar, eins og vefsvæði sem þú heimsækir, til að bæta netupplifun þína ásamt því að gera hana öruggari. Ef þú vilt ekki senda vefskoðunargögn til Google geturðu slökkt á tilteknum eiginleikum í Chrome.

Frekari upplýsingar

Til að stilla persónuverndarstillingar Chrome skaltu smella á valmyndartákn Chrome → Stillingar → Sýna ítarlegar stillingar → skoða hlutann Persónuvernd.

Taktu hakið af öllum persónuverndarstillingum sem þú vilt ekki nota. Þegar þú slekkur á persónuverndarstillingu eru þær upplýsingar ekki sendar til Google.

Google Play

Tilkynna um óviðeigandi forrit

Þú getur tilkynnt skaðleg eða óviðeigandi forrit sem þú finnur í Play Store forritinu.

Frekari upplýsingar

Opnaðu Play Store forritið í tækinu.

Opnaðu upplýsingasíðuna forritsins.

Neðst á síðunni skaltu velja „Tilkynna sem óviðeigandi“.

Veldu ástæðu þess að þú taldir forritið óviðeigandi.

Ýttu á „Senda inn“.

Google Play

Athugaðu efnisflokkun forrits

Forrit og leikir í Play Store eru með efnisflokkun. Þú getur skoðað hverjir mega nota forrit eða leik áður en þú sækir hann til að tryggja að hann henti þér og fjölskyldunni.

Frekari upplýsingar

Opnaðu Play Store forritið í tækinu.

Opnaðu upplýsingasíðu forrits og skoðaðu efnisflokkunina undir heiti forritsins.

Snertu „Frekari upplýsingar“ til að skoða þetta nánar.

Flettu niður til að fá frekari upplýsingar um flokka efnis og gagnvirka eiginleika.

Google Play

Finndu fjölskylduvænt efni í Google Play

Á fjölskyldusvæðunum í Google Play er einfalt að finna fjölskylduvænt efni frá traustum útgefendum. Þar á meðal er efni með uppáhalds teiknimyndapersónum barnsins þíns og efni sem þú getur síað eftir aldursflokki.

Frekari upplýsingar

Opnaðu Play Store forritið í tækinu.

Veldu „Forrit“, „Leiki“, „Kvikmyndir og sjónvarp“ eða „Bækur“.

Veldu bækur fyrir fjölskylduna eða bækur fyrir börn.

Héðan geturðu einnig leitað að efni eftir aldri og vinsælum persónum.

Leitaðu eftir aldurstakmarkinu til að sjá fyrir hvaða aldur efnið er.